Suðurbæjarskóli vinnur í anda laga um samþættingu þjónustu í þágu farsældar barna — með áherslu á snemmtækan stuðning, þverfaglegt samstarf og samfellu í þjónustu.
Suðurbæjarskóli vinnur í anda laga um samþættingu þjónustu í þágu farsældar barna. Í því felst að horft er heildstætt á stöðu barnsins, líðan, nám, félagslega þátttöku, stuðningsþarfir og umhverfi. Markmiðið er að barn fái stuðning við hæfi, á réttum tíma og í samvinnu þeirra sem koma að lífi þess.
Lög nr. 86/2021 um samþættingu þjónustu í þágu farsældar barna setja ramma utan um samstarf þeirra sem veita börnum og fjölskyldum þjónustu. Lögin leggja áherslu á snemmtækan stuðning, samfellu í þjónustu, skýra ábyrgð og samvinnu milli kerfa.
Þegar barn þarf aukinn stuðning skiptir miklu máli að upplýsingar, markmið og aðgerðir séu samhæfð. Þannig má draga úr því að barn og fjölskylda þurfi sjálf að bera ábyrgð á að tengja saman ólíka þjónustuaðila.
Nemendur í Suðurbæjarskóla þurfa oft stuðning frá fleiri en einum aðila. Að málum geta komið forsjáraðilar, heimaskóli, sveitarfélag, félagsþjónusta, skólaþjónusta, heilbrigðisþjónusta og aðrir fagaðilar.
Suðurbæjarskóli leggur áherslu á skýrt og skipulagt samstarf við þessa aðila. Reglulegt samráð, teymisfundir og sameiginleg markmið stuðla að markvissari og samfelldari stuðningi við nemandann.
Í farsældarvinnu skiptir máli að barnið sé virkur þátttakandi eftir aldri, þroska og aðstæðum. Í Suðurbæjarskóla er lögð áhersla á að nemendur fái stuðning til að skilja eigið dagskipulag, eigin markmið og þær væntingar sem gerðar eru til þeirra.
Áhersla er lögð á að mæta barninu þar sem það er statt, byggja á styrkleikum þess og skapa umhverfi þar sem það getur upplifað öryggi, fyrirsjáanleika og raunhæfar framfarir.
Nokkrir starfsmenn Suðurbæjarskóla hafa lokið diplómanámi í farsæld barna við Háskóla Íslands. Námið fjallar meðal annars um samþætta þjónustu, þverfaglegt samstarf, snemmtækan stuðning, réttindi barna og hlutverk ólíkra aðila í þjónustu við börn og fjölskyldur.
Þessi þekking styrkir faglega umgjörð skólans og styður við markvissa samvinnu við forsjáraðila, heimaskóla, sveitarfélög og aðra þjónustuaðila.
Í daglegu starfi birtist áhersla á farsæld barna meðal annars í því að:
Farsæld barna byggir á því að þjónusta við barn sé samhæfð og markviss. Þegar barn þarf aukinn stuðning skiptir máli að þeir sem koma að málinu vinni saman, hafi sameiginlega sýn og ræði reglulega hvað gangi vel og hvað þurfi að laga.
Suðurbæjarskóli leggur áherslu á slíkt samstarf í allri þjónustu skólans. Markmiðið er að nemandi og fjölskylda upplifi skýrari umgjörð, betra upplýsingaflæði og markvissari stuðning.
Við svörum öllum fyrirspurnum með gleði.