Um okkur – Suðurbæjarskóli

Fólkið á bakvið Suðurbæjarskóla

Suðurbæjarskóli hefur á að skipa fjölbreyttan hóp starfsfólks sem býr yfir víðtækri reynslu, menntun og metnaði til að stuðla að vandaðri þjónustu fyrir skjólstæðinga. Við leggjum upp úr því að fá til okkur áhugasama og drífandi fagaðila til starfa.

Hjá Suðurbæjarskóla starfa meðal annars sálfræðingur, atferlisfræðingur, þroskaþjálfi og kennari. Allt starfsfólk fær reglulega fræðslu og sækir námskeið sem nýtist í starfi. Einnig fær það reglulegan aðgang að handleiðslu.

Persónuverndarstefna Suðurbæjarskóla

Suðurbæjarskóli kappkostar að tryggja vernd persónuupplýsinga og að vinnsla þeirra sé í samræmi við gildandi lög og reglur. Persónuverndarstefna þessi tekur til vinnslu persónuupplýsinga um skjólstæðinga sem nýta vistunarúrræði, aðstandendur þeirra, umsækjendur um störf og starfsmenn. Tilgangurinn með henni er að upplýsa hvernig Suðurbæjarskóli safnar og meðhöndlar persónuupplýsingar í starfsemi sinni. Persónuverndarstefna þessi byggir á lögum nr. 90/2018 um persónuvernd og vinnslu persónuupplýsinga.

Persónuupplýsingar eru sérhverjar upplýsingar um persónugreindan eða persónu-greinanlegan einstakling. Einstaklingur telst persónugreinanlegur ef unnt er að persónugreina hann, beint eða óbeint, svo sem með tilvísun í auðkenni eins og nafn, kennitölu, staðsetningargögn, netauðkenni eða einn eða fleiri þætti sem einkenna hann í líkamlegu, lífeðlisfræðilegu, erfðafræðilegu, andlegu, efnalegu, menningarlegu eða félagslegu tilliti.
Vinnsla persónuupplýsinga vísar til aðgerðar eða röð aðgerða þar sem persónuupplýsingar eru unnar, hvort sem vinnslan er sjálfvirk eða ekki.